|
Aurkezpena
Erakundeetan eta haietan lan egiten
duten pertsonen artean ikusten da sendoagoa dela genero indarkeria,
gizonen eta emakumeen arteko desberdintasunen adierazpenik larriena,
errotik kentzeko asmoa. Sendotasun horren isla da tresna juridikoak
zorrotz erabiltzea, herritarrentzat abian jarritako zerbitzuak
etengabe hobetu eta zabaltzea, eta plangintzei ekitean eta programa
eta proiektu osoagoak taxutzean sakon gogoeta egitea. Hain zuzen,
handik ekimen berritzaileak sortzen dira, pixkanaka baina etengabe
herritarrengan barneratuz joan daitezen helburuarekin, gure gizartea
nozitzen dituen demokrazia defizitak murriztea azken xedea delarik.
“Gaiak” atalean, Bizkaiko Foru Aldundiko Berdintasunerako
eta Herritarren Eskubideetarako zuzendari Íñigo
Iturrate Ibarrak buletinari eman dion elkarrizketan eskaintzen
dugu. Kargu berria hartuta, berdintasunaren eta, beraz, herritarren
eskubideen aldeko bere engaiamendu politikoa berretsi du. Hainbat
gai izan dira hizpide elkarrizketa horretan, hala nola hedabideek
genero indarkeria salatzean duten zeregina, esparru pribatuan
botereaz egiten den interpretazio okerra, eta botere hori gehiegikeriaz
baliatzearen ondorioak, edo berdintasunerako plangintza berria
ardurapean duen zuzendaritza nagusi berrian.
Berdintasun arloen jatorriari eta haien garapen eta hazkundeari
buruzko ohar batzuk emanez, eta dagozkien eginkizunak banan-banan
zehaztuz, “Behatokia” atalak hasiera eman dio Bizkaiko
udalerri eta mankomunitateetan funtzionatzen ari diren baliabideen
inguruko artikulu sail bati: plana, eragilea, kontseilua, protokoloa
eta Berdinsareari atxikita egotea dira hurrengo zenbakietan aztertuko
diren alderdiak.
“Tresnak” atalean, EAEko erakundeen
erantzuna emakumeen kontrako etxeko tratu txarren aurka gizarte
zerbitzuen alorrean, 2006: Sarbidea: Emakumeen kontrako etxeko
tratu txarren arloko gizarte zerbitzuen ebaluazioa argitalpena,
Emakunde-Emakumearen Euskal Erakundeak argitaratua, azaltzen da.
Han, gogoeta egiteko nahiz ekiteko prozesuak abian jartzea proposatzen
da, erakunde horrek emandako gomendioekin bat, gizarte zerbitzuak
hobetzearren, EAEko hiru probintzietan tratu txarren aurrean ematen
den laguntzari dagokionez.
Zenbakia ixten, “Kontuan hartu” atalak hiru gertaeraren
berri ematen du. Batetik, Deustu-San Ignazioko Moduluak antolatutako
jardunaldia da lehen gertarera, “Tejiendo bienestar puntada
a puntada. La intervención psicológica con mujeres
malqueridas y maltratadas”; beste alde batetik, SARE 2007
biltzarra dugu, Emakunde-Emakumearen Euskal Erakundeak antolatua,
“Maskulinotasuna eta eguneroko bizitza” goiburuarekin;
eta azkenik, Bilboko Udaleko Emakume eta Garapenerako Lankidetzako
Sailak eta EUDELek, Euskadiko Udalen Elkarteak, gazteen eta indarkeriazko
ezkongai-harremanen inguruan antolatutako jardunaldiak. Horrez
gain, Emakumearen aurkako Indarkeriaren Estatuko Behatokiak egin
duen lehen urteko txostenaren berri ere ematen da.
| |
|
GAIAK
Elkarrizketa: Berdintasunerako
eta Herritarren Eskubideetarako zuzendari Iñigo Iturrate
Ibarra.
 Íñigo
Iturrate Ibarra, Bizkaiko Foru Aldundiko Kultura Saileko
funtzionario, Bizkaiko Batzar Nagusietako lehendakari ordea
izan zen 1995etik 2003ra bitartean, eta Eusko Alderdi Jeltzalearen
bozeramaile izendatu zuten…
|
BEHATOKIA
2007ko berdintasunerako
baliabideak: Berdintasun arloak.
 Etxeko
indarkeria jasan dituzten emakumeei laguntzeko gizarte zerbitzuetako
jarduerei buruzko 2007ko datuak biltzeko prozesuak balantze
baikorra dakar…(+)
Irakurri artikulu guztia
|
|
TRESNAK
Emakumeen
kontrako etxeko tratu txarren arloko gizarte zerbitzuen
ebaluazioa.
 Iazko
irailean, Emakunde-Emakumearen Euskal Erakundeak EAEko erakundeen
erantzuna emakumeen kontrako etxeko tratu txarren aurka
gizarte zerbitzuen alorrean, 2006…
|
|
KONTUAN HARTU
• DEUSTU-SAN IGNAZIOKO MODULUA: “Tejiendo bienestar
puntada a puntada. La intervención psicológica
con mujeres malqueridas y maltratadas”.
• EMAKUNDE-EMAKUMEAREN EUSKAL ERAKUNDEA: SARE 2007,
“Maskulinotasuna eta eguneroko bizitza”.
• BERDINSAREA BILBOKO UDALA: “Gazteak eta indarkeriako
ezkongai harremanak” jardunaldiak.
• EMAKUMEAREN AURKAKO INDARKERIAREN ESTATUKO BEHATOKIAK:
Lehen urteko txostena.
|
|
Inprimitu
Itxi