Aurkezpena

Ekitea eta ekitea.
Eragile sozial, politiko, legegile eta kulturalek genero indarkeria bezalako gaitz baten aurrean arreta osoa eta koordinatua eskaini behar dutela azpimarratzea.
Ekitea eta ekitea, emakumeen aurkako bereizkeriaren prebalentzia borrokatzeko baliagarriak diren programa, proiektu, plan eta ekimenen beharra azpimarratzea; izan ere, bereizkeria horrek erro sakonak ditu, batetik, generoen ikuskera desberdintasunean oinarrituta dagoelako, eta, bestetik, genero bakoitzari rol estereotipatuak esleitzen zaizkiolako, nagusitasuna/gutxiagotasuna = gizonak/emakumeak aurkaritza sortzeraino. Oraindik ere sinetsi al daiteke, erabat erratuta bada ere, -justizian- berdina dena menderatu, isolatu eta kolpatzen duena nagusia denik?

BGIBren 6. buletinak dakarren lehenengo edukia, "Gaiak" atalean, Inmaculada de Miguel Herrán andreari, Justizia Administrazioarekiko Harremanetarako zuzendariari, eginiko elkarrizketa bat da. Elkarrizketan zehar, bera buru den Zuzendaritzaren barne funtzionamenduari eta jardunari buruzko ikuspegi zehatza eskaintzen die irakurleei, eta, horrezaz gainera, emakumeen aurkako indarkeriaren aurrean erakundeek ematen duten erantzunari buruzko ondo oinarritutako iritzia ematen du.

"Behatokia"k, Etxeko eremuan Emakumeen aurkako indarkerian espezializatutako familiako esku-hartze programaren barruan 2006. urtean egin diren jarduketei buruzko datuen balantzea egiten du; Bizkaiko Foru Aldundiko Emakume eta Familien Zerbitzuak aurreko ekitaldiko maiatzean abiarazi zuen programa hori.

"Tresnak" atalean, berriz, "Familia barruko indarkeria eta genero indarkeria Euskadiko Justizia Administrazioaren aurrean 1/2004 Lege Organikoa indarrean sartu ondoren" (lege hori, abenduaren 28koa, Genero Indarkeriaren aurkako Babes Integralerako Neurriei buruzkoa da) izeneko azterketaren aurrerapen bat irakur dezakegu. Epaien inguruan egindako azterketa bat da: Zaragozako Unibertsitateko Soziologia Juridikoko Laborategiak prestatu zuen, Manuel Calvo Garcíaren zuzendaritzapean, Eusko Jaurlaritzako Justizia Administrazioarekiko Harremanetarako Zuzendaritzarentzat, eta Donostiako Kursaal jauregian maiatzaren 8an eta 9an egin zen Generoko eta Familia Barruko Biolentziari buruzko Biltzarrean aurkeztu zuen Manuel Calvo Garcíak berak.

Seigarren BGIB buletina, ixteko "Kontuan hartu" atalean garrantzi handiko hiru gertaeraren berri ematen zaigu: batetik, Emakumeen eta Gizonen Berdintasunerako Defentsa Erakundearen egoitza zabaldu dela; bestetik, Valentziako Autonomia Erkidegoan "Violencia de Género: Medidas y Propuestas Prácticas para la Europa de los 27" Nazioarteko I. Kongresua egin zela; eta, azkenik, "Violencia de género y cotidianidad escolar" txostena argitaratu dela. Txosten hori Andaluziako Emakumearen Institutuak sustatu eta Granadako Unibertsitateko Emakumeari buruzko Azterketen Institutuko kide Carmen Gregorio Gil andreak zuzendu du.

Sexuen arteko oreka egoera lortzeko zain, era guztietako berriak heltzen zaizkigu: bidegabekeria, gertaera emakume eta gizonen arteko desberdintasunean errotzea eta, ondorioz, emakumeenganako diskriminazioa agerian jartzen dituztenekin batera, botere publikoetatik atzera egin eta tratu txarrak desagerrarazteko eta arazoari aurre egiteko plan eta egitasmoak sortzen dira.

Indarkeriaren arloko Bilboko Epaitegiko epaile den Irune Fernándezek “Gaiak” atalean aleari hasiera ematen dio elkarrizketa batekin. Bertan argibideak ematen ditu Indarkeriaren arloko Epaitegien jatorriaz, esanahiaz eta garrantzi soziokulturalaz.

“Behatokia” atalak argitalpen hau aurkezten du: Emakumeen aurkako etxe barruko Indarkeria: Bizkaiko Lurralde Historikoan egindako ikerketa baten emaitza. Bizkaiko Foru Aldundiko Gizartekintza Sailak argitaratu du. 2005ean egin zen ikerketa, Bizkaiko 601 emakumerekin, eta makroinkestaren emaitza gisa familiaren barruko indarkeriak eta indarkeria afektiboak Bizkaian duen presentzia sozialaren egoerari eta eskalari buruzko diagnosia egin da.

Beste dokumentu hau jaso da “Tresnak” atalean: Etxeko tratu txarrak eta sexu erasoak jasaten dituzten emakumeei laguntza hobea emateko tokiko protokoloak eta neurriak hartzeko jarraibide-gida. Liburukiak iradokizunak egiten ditu prozedura estandarizatzeko eta, beraz, laguntzasistema osatzen duen instantzia bakoitzaren funtzioak zehazteko beharraren inguruan. Udal erakundeek laguntzasistema hori erabili behar dute genero indarkeriaren aurrean beren arreta sarea zabaltzeko.

“Kontuan hartu” atalak hiru gertakari biltzen ditu: Save the Childrenen argitalpena, Genero indarkeriaren biktima diren semealabentzako arreta: genero indarkeriaren biktima diren emakumeen semealabei emakumearen babeserako sisteman ematen zaien arretaren azterketa, ADECCO Fundazioak lanean txertatzeko diseinatutako “Orain ate bat irekita dute. Etxeko indarkeriaren biktima diren emakumeak” programa eta “Emakumeen aurkako indarkeriari, baita etxeko indarkeriari ere, aurre egiteko kanpaina” jardunaldia.

Argitalpenak, proiektuak, sinposioak, prestakuntza ekintzak, erakusketak, esperientzia trukeak, etab.: funtsezko eskubideak aldarrikatzeko egokiak diren bitarteko eta euskarriei harrera ona egiten zaie Behatokian.

Hortaz, berriz ere eskaera egiten dizuegu hizketakideei gertaera, jokabide zuzen, material eta bestelakoen berri eman diezaguzuen, gu guztion ardura denez, BGIB buletina izeneko komunikabide honen edukiak osatzen lagunduko diguzuelakoan.

GAIAK Elkarrizketa Inmaculada de Miguel Herrán Justizia Administrazioarekiko Harremanetarako zuzendariarekin “Instituzioen erantzuna etengabe berrikusi behar da, proposamenak, neurriak eta bitartekoak biktimen beharretara egokitzeko"… (+) Irakurri artikulu guztia

BEHATOKIA Familian esku hartzeko programa, etxean tratu txarrak jasaten dituzten emakumeen aurkako indarkerian espezializatua: 2006ko balantzea 2006ko maiatzean, Bizkaiko Foru Aldundiko Gizarte Ekintza Sailak bultzatuta, abian jarri zuten Familian esku hartzeko programa, etxean tratu txarrak jasaten dituzten emakumeen aurkako indarkerian espezializatua... (+) Irakurri artikulu guztia

TRESNAK "Familia barruko indarkeria eta genero indarkeria Euskadiko Justizia Administrazioaren aurrean 1/2004 Lege Organikoa indarrean sartu ondoren" azterketa, Manuel Calvo Garciarena Donostiako Kursaalen martxoaren 8 eta 9an egindako "Genero eta familia barruko indarkeriaren gaineko Biltzarra" delakoan, Zaragozako Unibertsitateko Soziologia Juridikoko katedraduna den Manuel Calvo Garciak atariko txostena aurkeztu zuen... (+) Irakurri artikulu guztia

KONTUAN HARTU • EUSKO JAURLARITZA: Emakumeen eta Gizonen Berdintasunerako Defentsa Erakundearen egoitza zabaldu da • TOLERANCIA CERO FUNDAZIOA ETA VALENTZIAKO GENERALITATEA: "Violencia de Género: Medidas y Propuestas Prácticas para la Europa de los 27" Nazioarteko I. Kongresua • CARMEN GREGORIO GIL: "Violencia de género y cotidianidad escolar" (+) Irakurri artikulu guztia

Inprimitu

Itxi