Hemen zaude:

FORU ALDUNDIAK ALDATU EGIN DITU BEZA ETA EZ-EGOILIARREN ERRENTAREN GAINEKO ZERGA

Asteartea, 2012(e)ko Uztailaren 17a 12:45

Estatuko eta Europako araudiei egokitzearren

Gobernu kontseiluak gaur egin duen bileran, Bizkaiko Foru Aldundiak zenbait aldaketa onartu ditu Balio Erantsiaren gaineko Zergan eta Ez-egoiliarren Errentaren gaineko Zergan, Estatuko hiru arauk ezarritako berrikuntzei egokitzeko: 2/2010 Legea, maiatzaren 23koa, batetik, eta, bestetik, 8/2012 eta 18/2012 Errege Dekretu-Legeak, martxoaren 16koa eta maiatzaren 11koa, hurrenez hurren.

Ez-egoiliarren Errentaren gaineko Zergari dagozkio foru dekretu arauemaila horretan jasotako berrikuntzarik nabarmenenak. Besteak beste, honako hauek azpimarratu behar dira:

Higiezin aktiboen salmenta sustatzeko asmoz, salbuespen partzial bat ezarri da 2012ko maiatzaren 12tik abenduaren 31ra bitartean eskuraturiko hiri ondasun higiezinen eskualdatzetik sorturiko errentetan, baldintza jakin batzuk betez gero.
Barne araudia Batasuneko araudiari egokitzeko, aldaketa bat egin da Europar Batasuneko beste estaturen batean duten sozietate nagusiei egoitza Espainian duten mendeko sozietateek banaturiko etekinei aplika dakiekeen salbuespenean, eta, aurrerantzean, Europako Esparru Ekonomikoko beste estatukoei ere aplikatuko zaie salbuespena.