Hemen zaude:

REKALDE-ORTZADAR KOMIKI LEHIAKETAREN LEHEN EDIZIOA

Astelehena, 2011(e)ko Apirilaren 18a 19:00

Lehiaketa honen bidez, euskararen erabilera sustatzeaz gain, euskal ilustratzaileen tradizioa berreskuratu nahi da; erakusketaren moduan, erakunde publiko eta pribatuen lankidetzaren emaitza da lehiaketa hau.

Josune Ariztondo Bizkaiko Aldundiko Kulturako diputatuak eta Iñaki Mendizabal kazetari eta Ortzadar astekariaren arduradunak Rekalde-Ortzadar Komiki Lehiaketaren lehen edizioa aurkeztuko dute bihar, apirilak 19, 11:30ean, Foru Liburutegiko areto nagusian (Diputazio kalea, 7).

Lehiaketaren lanak euskara hutsean egin beharko dira. Foru Liburutegian aurkeztu berri den eta ekainera arte iraungo duen “Ilustratzaileak Bizkaian (XVI-XX): odisea grafikoa/Ilustradores en Bizkaia (XVI-XX): una odisea gráfica” erakusketaren ekimenen barruan egiten da lehiaketa honetarako deialdia.

Rekalde-Ortzadar Komiki Lehiaketaren bidez, euskararen presentzia areagotu nahi da arlo horretan; baina, horrez gain, egunotan Foru Liburutegian erakusgai dagoen Bizkaiko eta Euskadiko marrazkigile onenen tradizioa —XVI. mendean hasi eta berriki hil den Juan Carlos Eguillor artistaren lanetara heltzen dena— berreskuratu nahi da.