Bizkaiko Foru Aldundia - Diputación Foral de Bizkaia

Foru Liburutegiak datorren urtarrilaren 9an irekiko ditu bere ikasteko gelaren ateak eta hil bereko 27ra arte edukiko ditu zabalik. Foru eraikineko 0 solairuan dago kokatuta eta 98 plazarako tokia du. Ia egun osoan egongo da irekita, etenik gabe, 08:30etik 22:00ra bitartean, astelehenetik ostiralera, eta 9:00etatik 22:00etara, larunbat eta igandeetan.

Zalantzarik gabe, Foru Liburutegiko ikasteko gela urtero sasoi honetan –urtarrilean– gehien erabili ohi den zerbitzua izaten da, azterketa-garaiaren atarian egonik.  Hori dela eta, Aldundiak mezu bat bidaliko die posta elektronikoaren bidez Bizkaian matrikulatuta dauden ikasle guztiei eta eskutitz bat ikasle-kontseiluei eta ikastetxeetako zuzendaritzei, ikasleen artean zabal dezaten. Bestetik, azken horiei azterketa-garaian telebista-pantailetan ikasteko gelaren ordutegiaren berri eman dezaten ere eskatuko die.