Bizkaiko Foru Aldundia - Diputación Foral de Bizkaia

IConoce

Sareneteko Iconoce hemeroteka digitala mundu osoko komunikabideetan agertutako berrien zerbitzu bat da:  prentsa, argitalpen espezializatuak (ekonomia, kirola, teknologia…), blogak eta isilpekoak arakatzen ditu. 2001eko urtarriletik aurrerako berriak eskaintzen ditu, testu osoarekin, HTML formatuan.

Bilaketa pertsonalizatuak egiteko aukera ematen du, hainbat irizpide zehaztuta; liburutegiak berak aurretik diseinatutako bilaketak ere egin ahal dira, eta, klik bakar bat eginda, Bizkaiko udalerriei buruzko eta Bilboko auzo guztiei buruzko berriak ezagutzeko aukera ematen du.

Zerbitzu hau Hemeroteka Atalean (bigarren solairuan) eta Ikertzaileen Aretoan (laugarren solairuan) kokatuta dago.

Dialnet

Dialnet Errioxako Unibertsitateak garatutako alerten zerbitzua da. Bertan Bizkaiko Foru Liburutegiak lankidetzako erregimenean parte hartzen du edukiak emanez. Zerbitzu honek erabiltzaileei aukera ugari eskaintzen dizkie, modu ireki eta doakoan.

Dialnetek ikertzaile eta erabiltzaileei, oro har, eskaintzen dizkien zerbitzu nagusiak honakoak dira:

• Dokumentuen bilaketa. Zentzu horretan, Dialnet baliabideak (aldizkariak, liburuak, tesiak,…) integratzen dituen ataria da eta eduki hispanoen datu-base nagusietako bat da. Gainera, eduki asko testu osoan eskuratzeko aukera ere ematen du. Zerbitzu hau erabiltzeko ez da beharrezkoa erregistratzea.
• Informazioko alerten harpidetza. Erabiltzaile bakoitzak bere "gogoko aldizkariak" aukeratu ahal ditzake posta elektroniko bidez informazioko alertak jasotzeko, argitaratzen diren zenbaki berrien sumarioak jasotzen dituztenak. Zerbitzu pertsonalizatu honetaz gozatu ahal izateko beharrezkoa da sistemaren erabiltzaile erregistratua izatea. Edozein erabiltzaileak erregistroa egin dezake, doan.

Hemeroteka +

Hemeroteka + atzera begirako prentsa-kontsultaren sistema aurreratua da, hainbat egunkariren edukiak barne hartzen dituena 2004. urtetik 2010. urtera arte.

Eskaintzen dituen tituluak honakoak dira:

• Berria
• Busturialdeko hitza
• El Correo
• Deia
• Diario de Navarra
• Diario de Noticias
• Diario de Noticias de Álava
• El Diario Vasco
• Eta kitto
• Gara
• Le Journal du Pays Basque
• Lea-Artibai eta Mutriku hitza
• El Mundo
• Noticias de Gipuzkoa
• El País
• Público
• Zabalik

Kontsultarako formak asko dira: egunkarira jotzea titulu, dataren arabera edo edukiaren araberako kontsulta tematikoak (egunkari batean edo hainbatetan, data edo denbora-tarte jakin batena…).

Horretaz gainera, sistemak ahalbidetzen du hemerotekako edukiaren zatuak aukeratzea, txosten batean jasotzea eta txostena erabiltzaileak nahi dituen posta elektronikoko helbideetara bidaltzea, horrela aukeratutako edukia erabiltzailearen ordenagailu partikularretik bertatik kontsultatzea ahalbidetuz.

Zerbitzu hau liburutegiaren bigarren solairuan kokaturik dago.