Bizkaiko Foru Aldundia - Diputación Foral de Bizkaia

SARRERA

Inbertsioa zaintzen dela bermatzeko eginiko inbertsioak dira, edo balio ekonomiko, ekologiko edo sozial handiagoa dakartenak, hala nola belar-sastraken garbiketak, inausketak, garbiketak, ongarritzeak, kimua hautatzea, itxiturak jartzea eta kentzea, babesleak jartzea, tratamendu fitosanitarioak egitea, biomasa biltzea energiaren arloko balorazio egiteko eta basoko makineria erostea.

DIRUZ LAGUNDU DAITEZKEEN JARDUKETAK

BELAR-SASTRAKEN GARBIKETA

• 0 URTEKO BELAR-SASTRAKEN GARBIKETA: eskuz eginiko baso-berritzeetarako, udal belar-sastraken garbiketa landaketa egin den urte berean.

• LANDAKETEN BELAR-SASTRAKEN GARBIKETA ILARATAN EDO GUZTIZKO GARBIKETA

  • Hazkunde azkar eta ertaineko koniferoak: bai hazkunde azkarreko koniferoetarako, bai hazkunde ertaineko koniferoetarako, belar-sastraken 3 garbiketarako diru-laguntza emango da lehen 5 urtean.

  • Hazkunde ertaineko koniferoak: hazkunde ertaineko koniferoetan, lehen 3 belar-sastraken garbiketaz gain (konifero guztietan), belar-sastraken beste 2 garbiketarako diru-laguntza emango da 6 eta 10. urteren barruan nahitaez egin behar dira.

  • Hazkunde ertain eta moteleko hostozabalak: lehenengo 5 urteetan 5 belar-sastraken garbiketarako diru-laguntza emango da, eta baita beste 2 belar-sastraken garbiketarako ere, 6. eta 10. urte barruan egiten baldin badira.

  • Eukaliptoak: 0 urteko belar-sastraken garbiketaz (basoberritzeetan) eta kimuen aukeraketan laguntzeko garbiketaz gain, belar-sastraken 2 garbiketarako diru-laguntza emango litzateke, bat lehenengo 3 urteen artean eta bestea osoa 5. urtetik aurrera.

• BELAR-SASTRAKA GARBIKETA OSAGARRIAK: kimuen hautaketarekin, inausketekin, basoko soilguneekin eta orrazketekin batera.

MEHAZKETAK ETA GARBIKETAK

• APROBETXAMENDUA DUEN GARBIKETA: hasierako dentsitatearen %15 deuseztatu behar da. Ez da mozturiko egurra ateratzea exijitzen.

  • Hazkunde azkarreko koniferoak: 4-8 urte.

  • Hazkunde ertain eta moteleko koniferoak: 8-12 urte.

• APROBETXAMENDUA DUEN MEHAZKETA: ezinbesteko baldintza da basotik ateratzea mozturiko egurra.

  • Hazkunde azkarreko koniferoak: 8-12 urte. 700-1.000 oin/ha-ko azken dentsitatea utzita.

  • Hazkunde ertain eta moteleko koniferoak: 12-18 urte. 700-1.000 oin/ha-ko azken dentsitatea utzita.

  • Hostozabalak: 15-20 urte.

KIMUAK HAUTATZEA

Eukaliptoetan eta hostozabaletan. Nahitaez mozketa egin eta hurrengo 3 urteen barruan.

ITXITURAK JARTZEA

• MAILAREKIN ETA TXARRANTXA ILARA BATEKIN EGINIKO ITXITURA
  Kasu hauetan jarri ahal izango dira:

  • Baso-berritzeak: lehen 5 urtean.

  • Lursailak: basoaren aldeko laguntzekin lotuak, balio ekologiko handiko arboladiak zaintzeko eta birsortzeko.

• 5 TXARRANTXAILARAREKIN EGINIKO ITXITURA: soilik justifikaturiko kasuetan, itxiturak basogintza eta abeltzaintzako eginkizun bikoitza betetzen duenean.

ITXITURAK KENTZEA

5 urtetik gorako landaketetan. Materiala berriz erabili edo bilketa-zentro baimendu batera eraman beharko da. Inola ere ezin utz daiteke basoan bertan behera.

HOSTOZABALETARAKO BABESLEAK

Babesleak hartutako azalera-unitateko jarritako babesleen dentsitatearen araberakoa izango da diru-laguntzaren modulua, eta gehieneko balioa lortuko du moduluak hektareako 600 babesleko edo handiagoko dentsitateetarako.

Erosketa-fakturaren bidez justifikatu beharko da babesleen eskuraketa.

INAUSKETAK

• KONIFEROEN 1. INAUSKETA: gehienez 1,70 eta 2 metroko bitarteko garaieran (inoiz ezin inaus daiteke zuhaitzaren garaieraren herena baino altuago)

  • Hazkunde azkarreko koniferoak: 8 - 12 urte

  • Hazkunde ertaineko koniferoak: 12 - 16 urte

• KONIFEROEN 2. INAUSKETA: gehienez 4,5 eta 5 m-ko garaikoak

  • Hazkunde azkarreko koniferoak: 12-18 urte

  • Hazkunde ertaineko koniferoak: 16-20 urte

• HAZKUNDE ERTAIN ETA MOTELEKO HOSTOZABALEN INAUSKETA:

  • Adar asko sortzeko joera duten espezieei dagokienez, 4. urtetik 12. urtera, taxutze-inausketa edo moldaketarako (adar nagusiarekin lehiatzen diren kimuak mozteko) diru-laguntza emango da.

  • 12. urtetik 18. urtera, 1,70 metrotik 2,50 metrora arteko gutxieneko altuera izango duen inausketa diruz lagun daiteke.

ONGARRITZEAK

Erabilitako ongarri mineralaren erosketa-fakturarekin justifikatu beharko da.

• Hazkunde bizkorreko espezieak: 3 ongarritze txandan zehar.

• Hazkunde ertain/moteleko espezieak: 3 ongarritze txandan zehar.

TRATAMENDU FITOSANITARIOAK

Baso-berritzearen lehen bi urtean erabilitako tratamendu fitosanitarioetarako diru-laguntzak emango ahal izango dira.

Erabilitako produktuaren erosketa-fakturarekin justifikatu beharko da. Trataturiko azaleraren arabera, produktu bakoitzerako adierazitako dosiaren antzekoa erabiliko da eta kantitate horrek bat etorri beharko du fakturan agertzen denarekin.

BIOMASA BILTZEA / HONDARRAK BIRRINTZEA

Baso berritzearekin nahitaez lotutako laguntza.

• BIOMASA BILTZEA: biomasa hondarrak biltzea, mozteko eta zuhaitzak kentzeko eragiketetan sortuak, energiaren aldetik baloratzeko.

• HONDARRAK BIRRINTZEA: basoan birrintzea.

ESKUKO BASOKO MAKINERIA EROSTEA

Laguntza eskatzean, proforma faktura aurkeztu beharko da, eta makineriaren eskuraketa justifikatu behar da erosketa-faktura aurkeztuta.

Diruz lagundutako makinak:

• Sastrakak garbitzeko makina

• Inausteko artaziak

• Zerrak

• Motozerrak

Gehieneko diru-laguntza: mota bakoitzeko makina 1, jabe bakoitzeko eta 5 urteko.

Eskatzaileak 5 ha.tik gorako baso eremu baten jabea izan behar du.

Ustiategi bakoitzeko gehienez eman daitekeen diru-laguntza: 3.000 €

MODULUAK

DIRU-LAGUNTZA

TXOSTEN BALORATUETARAKO INPRIMAKIAK

AURKEZTU BEHARREKO AGIRIAK

HASIERA