Bizkaiko Foru Aldundia - Diputación Foral de Bizkaia

2012ko Azaroaren 20an, egoitza Bizkaian duten eta AP-8 autobidearen ohiko erabiltzaile diren pertsona fisikoentzako 2013ko diru-laguntzak arautzen dituen foru dekretua onartu zuen Bizkaiko Foru Aldundiak. Argitaratu, berriz, 2012ko Abenduaren 18an argitaratu zen, Bizkaiko Aldizkari Ofizialean.

Aldundiak autobidearen Bizkaiko zatiari dagokiona ordaintzeko emango du diru-laguntza, eta laguntza hori hil berean eginiko hamargarren bidaia paretik aurrera aplikatuko da ibilbide bereko joan etorriak izan behar dira. Hona, diru-laguntzen zenbatekoa:

• Aldundiak % 60 ordainduko du, hil bereko hamaikagarren joan-etorritik hogeigarrenera bitartean, BEZa kenduta.
• Aldundiak % 100 ordainduko du, hil bereko hogeita batgarren joan-etorritik aurrera, BEZa kenduta.

Baldintzak

Diru-laguntzaren onuradun izateko, honako baldintza hauek bete behar dira:

• Pertsona fisikoa izatea ez enpresa bat, Bizkaian erroldatua egotea eta teleordainketako gailu bat izatea OBE.
• Autopistako bidesaria teleordainketako gailuarekin ordaintzea.
• Zerga-betebeharrak eta Gizarte Segurantzarekikoak egunean izatea.
• Diru-laguntzen erregimenari heltzeko eskaera egitea.

Prozedura

Eskaerak foru dekretuaren 1. eranskinean dagoen ereduaren arabera bete behar dira. Eredu hori Interbiaki eskatu dakioke Kanariar Uharteak, 19, 1. solairua, edo haren web orritik inprimatu interbiak.bizkaia.net, eta, eskaerarekin batera, honako dokumentazio hau aurkeztu behar da:

• NANaren fotokopia.
• Erroldatze ziurtagiria.
• Zerga-betebeharrak eta Gizarte Segurantzarekikoak beteta daudela adierazteko erantzukizunpeko aitorpena, bai eta diru-laguntzaren onuradun izateko ezein debeku ez dagoela adieraztekoa ere foru dekretuko 2. eranskina.
• Kontu baten titulartasuna egiaztatzeko agiria eta kontu horri loturiko OBE gailua. Horiek finantza-erakundeak ematen ditu.

Diru-laguntzak eskaera

Eskaerak aurkezteko epea 2012ko Abenduaren 19an hasiko da, Interbiak sozietatean aurkeztu behar dira eskaerak.

Hil batean aurkezten diren eskaerek hil horretako laguntzetarako eta, handik aurrera, 2013ko Abenduaren 31 arte balioko dute.

Diru-laguntzak eskaera (112 KB)

Fitxategi hauek kontsultatzeko Adobe Reader dohainiko programa behar duzu, erabili esteka deskargatzeko.