saltatu edukira
Aldundiaren Logoa
 

Hemen zaude:

AP-8 autobidearen: diru-laguntzak

Informazioa

Bizkaiko Foru Aldundiak, pasa den abenduaren 16an, 170/2014 Foru Dekretua onartu zuen, zeinak 2015erako arautzen dituen Bizkaian bizi diren eta AP-8 autobidearen Bizkaiko zatiaren ohiko erabiltzaile diren pertsona fisikoentzako laguntzak.

Diru-laguntzaren zenbatekoa hileko ezarriko da, AP-8 autobidearen Bizkaiko tarteari dagokion bidesariaren kontzeptuan ordaindutako (BEZa kenduta) zenbatekoaren portzentajean, jarraian zehaztuko den bezala

  • Hil bakoitzeko hamaikagarrenaren eta hogeita bosgarrenaren arteko bidaien zenbatekoari diru-laguntzaren ehuneko 35 aplikatuko zaio, BEZa kenduta
  • Hil bakoitzeko hogeita seigarrenetik aurrera egindako bidaien zenbatekoari diru-laguntzaren ehuneko 45 ezarriko zaio, BEZa kenduta.

Diru-laguntzak ezartzeko, honela konputatuko dira bidaiak: identifikatu eta ordaintzeko gailu telematiko bera (OBE) erabiliz hil beraren barruan egindako bidaien zenbatekoak handienetik txikienerako zerrendaren arabera sailkatuko dira. Hortaz, lehen bidaiatik hamargarrenera bitartekotzat joko dira (diru-laguntzarik gabe) zenbatekorik handieneko 10 bidaiak

Baldintzak

Diru-laguntzaren onuradun izateko, honako baldintza hauek bete behar dira:

  • Pertsona fisikoa izatea (ez enpresa bat), Bizkaian erroldatua egotea eta teleordainketako gailu bat izatea (OBE).
  • Autopistako bidesaria teleordainketako gailuarekin ordaintzea.
  • Zerga-betebeharrak eta Gizarte Segurantzarekikoak egunean izatea.
  • Diru-laguntzen erregimenari heltzeko eskaera egitea.

Eskaera (556 KB)

Prozedura:

Eskaerak foru dekretuaren 1. eranskinean dagoen ereduaren arabera bete behar dira. Eredu hori Interbiaki eskatu dakioke (Kanariar Uharteak, 19, 1. solairua , 48015 -BILBAO), edo haren web orritik inprimatu (www.interbiak.bizkaia.net), eta, eskaerarekin batera, honako dokumentazio hau aurkeztu behar da:

  • NANaren fotokopia
  • Erroldatze-ziurtagiria
  • Zerga-betebeharrak eta Gizarte Segurantzarekikoak beteta daudela adierazteko erantzukizunpeko aitorpena, bai eta diru-laguntzaren onuradun izateko ezein debeku ez dagoela adieraztekoa ere (foru dekretuko 2. eranskina).
  • Kontuaren titularra eta hari lotutako OBEa egiaztatzen dituen eskatzailearen banku-kontuari buruzko ziurtagiria, finantza-erakundeak emana (kontu horretan zordundu behar dira ordainsari telematikoak).

Eskabideak 2015eko urtarrilaren 1etik aurrera aurkez daitezke, Interbiaken

Hilaren barruan aurkeztutako eskabideek hil horretarako eta hurrengoetarako balio izango dute, 2015eko abenduaren 31ra arte.

Dagokion hileko diru-laguntzaren zenbatekoa teleordainketa helbideratuta dagoen banku-kontuan ordainduko da.

2015 urteko laguntzen eskatzaileak

AP-8ko Bizkaiko tartearen (Usansolotik, 106+040 kilometro gunetik Gipuzkoako mugaraino, 74+880 kilometro gunea) erabiltzaile diren Bizkaiko Lurralde Historikoko egoiliarrentzako diru-laguntzak arautzen dituen honen aurreko foru dekretuetan oinarrituta emandako diru-laguntzen onuradunek berretsi ahal izango dute 2015. urtean onuradun izaten jarraitu nahi dutela; horretarako, diru-laguntza berritzeko formularioa bete beharko dute (inprimakia www.interbiak.bizkaia.net web orrian dago 2015(e)ko diru-laguntzen eskatzaileak: Datuen Berrespena), edo bestela, idazki bat bidali beharko dute Interbiak-era, 3. eranskineko eredua erabiliz. Onuradunek ez dute foru dekretu honen 2.2 artikuluan aipatutako dokumentazioa berriz aurkeztu behar izango, egungo datuak aurreko ekitaldietako eskaeran aurkeztutakoen desberdinak ez badira.

Berriztatu (27 KB)

1en hiruhilabete 2015 (70 KB)

Fitxategi hauek kontsultatzeko Adobe Reader dohainiko programa behar duzu

 
 

e-mailez bidali