Bizkaiko Foru Aldundia - Diputación Foral de Bizkaia

BIZKAIBUS: geralekuei eta denbora-mugei buruzko informazioa, WEBerako sarbidea duten eragingailu mugikorren bidez

Bizkaiko Foru Aldundiak sistema berri bat abiarazi du, Bizkaibusen erabiltzaileek geralekuen kokapenari, autobus-lineei eta denbora-mugei buruzko informazioa jaso ahal izan dezaten. Oraindik aurrera, Interneten bitartez Wikitude aplikazioa instalatzeko gai diren eragingailu mugikorrak dauzkaten pertsonek Bizkaibus deritzon “mundu” berri bat kontsultatzeko aukera izango dute. Gune horren bidez, Bizkaibusen hurbileko geralekuen, autobus-lineen eta denbora-mugen berri jakin ahal izango dugu.

WIKITUDE nabigatzailean “Bizkaibus mundua” kontsultatze aldera:

• Aurretiaz, baldin eta erabiltzaileak nabigatzaile hori ez badauka, bere eragingailuarekin loturik dagoen aplikazio-esteka atzitu behar du, eta han WIKITUDE aurkitu ondoren, aplikazioa eragingailuan deskargatu eta instalatu.
• Nabigatzailea badaukazu eta ‘Bizkaibus mundua’ inoiz ere erabili ez baduzu, Wikitude aplikazioaren katalogoan bilatu beharko duzu. Horretarako ‘Erantsi World’ edo ‘Aztertu World’ botoia baliatu behar da, beti ere Wikitude instalaturik dagoen eragingailuaren arabera. Hautapen-zerrenda bat agertuko da, eta zerrenda horretatik Bizkaibus aukeratu behar duzu.
• Orain, Bizkaibusen geralekuen munduarekin loturik dagoen ikonoa agertu behar litzateke Wikituderen hasierako pantailan.
• Ikono horretan klik egin eta puntu urdinaren inguruko geralekuak ikusi ahal izango dituzu; puntu urdinak gure uneko posizioa adierazten du.

Pantaila-ikuspegiak

Hiru bistaratze mota ezberdinotarik bat hauta daiteke: Mapa, Zerrenda eta Kamera. Horiek guztiok geralekuen zerrenda erakusten digute. Mapa eta Kamera moduetan, pantailako ikonoa sakatu behar da eta hautatu dugun geralekuarekin loturiko informazioa azalduko da eragingailuko leihoaren beheko aldean. Zerrenda moduan, berriz, informazio xehekatu hori geraleku bakoitzerako agertzen zaigu. Modu guztietan, aski da informazio xehekatuan klik egitea geralekuari buruzko datu batzuk pantailaratzeko. Informazio hori guztia pantaila berri batean ikusten da. Une honetan, “i” dakarren informazio-ikonoa daukagu pantailan; botoi horretan klik eginez gero nabigatzailearen beste orrialde bat zabalduko da, eta hautatu dugun geralekuko hurrengo helduerei dagozkien denbora-mugak agertuko zaizkigu bertan.

Ver explicación gráfica

• 

  WIKITUDEko hasierako orria.
  World-ak Aztertu hautatzen dugu.

   
• 

  “Mundu“ zerrenda bat agertuko da eta horien artean Bizkaibus aurkituko dugu.Hautatzen dugu.

   
• 

  Gainera, geure “mundu” gogokoenen menuan sartu ahal izango dugu.

   
• 

  “Mundu”aren barruan, geure inguruan dauden Bizkaibus geltokiak agertuko dira.

   
• 

  Geltoki bat hautatu eta horren gaineko informazioa jasoko dugu: izena eta zein distantziara dagoen.

   
• 

  Geure geltokia bada, informazio gehiago lortu ahal izango dugu informazio estekaren bidez.

   
• 

  Ia berehalakoan, geltoki horri dagozkion geltokiak agertuko zaizkigu, helmuga eta itxaron beharreko denbora estimatua.

   

Bezeroari laguntzeko telefonoa

(Egunero 08:00etatik - 22:00etara)

Informazio telefonoa:

902 22 22 65

Posta elektronikoa:

infobizkaibus@bizkaia.net