Bizkaiko Foru Aldundia - Diputación Foral de Bizkaia

Ba al dago mendetasun-gradua berrikusteko aukerarik?

Bai, baldin eta egoera hauetako bat gertatzen bada:

1. Aurreko ebaluaziotik bi urte igaro badira, eta
2. Nahiz eta bi urte igaro ez, mediku-txosten baten bidez egiaztatzen bada mendetasun-egoera nabarmen aldatu dela.

Gainera, Aldundiak berak nahi duenean berrikusi dezake mendetasun-gradua.

Non aurkeztu behar da mendetasun-gradua berrikusteko eskabidea?

Berrikusteko eskabidea aurkeztu daiteke bai eskatzailea erroldatuta dagoen udalerriko oinarrizko gizarte-zerbitzuan, bai Bizkaiko Foru Aldundiaren Gizarte Ekintza Saileko erregistroetan.

Zer agiri aurkeztu behar dira mendetasun-gradua berrikusteko eskabidearekin batera?

1. Eskabidea, behar bezala sinatuta.
2. Mediku-txosten bat, non egiaztatzen den mendetasun-egoera aldatu egin dela.
3. Erroldaren ziurtagiria, eguneratua.