Bizkaiko Foru Aldundia - Diputación Foral de Bizkaia

Bizkaiko ekonomia-jardueren espazioen bilatzailea (industriako lurzorua, merkataritzako eta zerbitzuetako esparruak Bizkaian).

GISLUR Bizkaian industriako lurzorua eta merkataritzako eta zerbitzuetako esparruak bilatzen dituen zerbitzu telematiko berria da. Geoatari hori Bizkaiko Foru Aldundiaren (Ekonomia Sustatzeko Saila) eta Bilboko Merkataritza, Industria eta Nabigazio Ganbera Ofizialaren arteko lankidetza hitzarmenaren emaitza da. Geoatariak informazio nahikoa dauka industriako lurzoruari buruz  (dagoen ala ez eta kokapena). Informazio horren bidez, erabiltzaileek euren beharrei hoberen egokitzen zaien lekua aurki dezakete eta horrela, Bizkaian enpresak sortu eta bertan kokatzea errazten da.

Plataforma lau multzo handitan dago egituratuta:

1. Higiezinen kudeaketa:  erregistratutako agenteek web orriaren datuak kudeatu eta eguneratzea.
2. Bizkaiko bisore kartografikoa: gai  ezberdinetako Bizkaiko mapa batzuk erakusten dira, hala nola, ekonomi jarduerarako eremuak, lurraldeko informazioa eta estatistikako adierazle sozioekonomikoak.
3. Enpresen bilatzailea: Bizkaian enpresen geolokalizazioa ahalbidetzen du.
4. Lurzoruaren bilatzailea: Bizkaian lurzoru erabilgarriaren nahiz okupatuaren lurren geolokalizazioa ahalbidetzen du.

 Eskaintzen dituen zerbitzu berriak hauek dira:

• Erakundeentzako zerbitzua: eskatzen duten tokiko erakundeei beren-beregi prestatutako GISLUR ataria, erakunde horien jardun-eremuari buruzko informazioa ematen duena.
• Mugikorretarako zerbitzua:  GISLURren informazioa geoatariaren bidez eskuratu ahal da eta, baita ere, informazioko teknologien plataformen bidez (sakelako telefonoak, GPS gailuak…).