Bizkaiko Foru Aldundia - Diputación Foral de Bizkaia

Areto honen ezaugarri nagusia Juan Elorza ebanista bilbotarrak sortzen asmatu zuen Versalles giroaren aberastasuna da. Artistak kontsola, aulki, ispilu, moldura eta marketeria guztiak burilaz grabatu eta doratu zituen, eta Luis XIV.aren garaietara eramaten gaituztela dirudi.
Brokatu aberatsak dituen tapizeria duela gutxi zaharberritu da.

Kapera txiki hau berrogei urteetako hamarkadan eraiki zen Loiolako Inazio Deunaren omenez, 1690ko maiatzaren 13az geroztik Bizkaiko Zaindari duguna. Santuaren taila koloreanitza da, egile ezezagunekoa, kaperako gauzarik interesgarriarena. Aldarearen gainean erlikia batzuek eta Berriotxoako Balendin Deunaren sinadura daude. Esan behar da, datu bitxi gisa, Inazio Deuna gipuzkoarra zela, baina ama bizkaitarra zuela, Berriotxoako Balendin Deunaren ama gipuzkoarra zen artean. Gaur egun santu biak dira Bizkaiko zaindari, anaitasunaren sinbolo legez.